Nga Dash Frashëri

“PranverArt”!

Kështu quhet ekspozita e artit  që ka mbledhur së bashku 49 artistë, piktorë dhe skulptorë, nga Shqipëria dhe Kosova, që sollën veprat më të mira të tyre në kompozime, peizazhe, art abstrakt dhe skulpturë.

Grupimi artistik “PranverArt” çeli dje në Galerinë e Artit Tiranë (GAT), edicionin e 15-të të ekspozitës së tyre vjetore.

Një metaforë e bukur e artit shqiptar, me shumë mesazhe brenda veprave. Një ekspozitë arti është një ngjarje e bukur për kryeqytetin dhe artdashësit.

“PranverArt” është një grupim artistik i themeluar në pranverën e vitit 2010. Ideja e këtij emërtimi lidhet me një kujtesë të hershme, të ekspozitës “Pranvera”, që në vitin 1972 tentoi të bëjë diçka ndryshe nga standardet e ngurta e të rrepta të asaj kohe, regjimi i së cilës edhe e dënoi këtë lëvizje.

Këtë vit, edicioni i 15-të i “PranverArt” realizohet nën organizimin e piktorit Llazar Taçi dhe skulptorit Maksim Bushi.

Marrin pjesë piktorët dhe skulptorët: Agim Bujupi, Agim Musabelliu, Alem Toska, Avni Rexhepaj, Axherko Mezelxhiu, Betrand Shijaku, Bashkim Alushi, Bujar Vani, Emjona Stasi, Eni Veveçka, Ergys Demo, Erjon Bardhi, Flamur Vathi, Fatmir Carkanji, Foti Kllogjeri, Genti Proko, Gëzim LLalla, Gëzim Zoto, Greta Tahiraga, Gjergji Marko, Hajdar Danjolli, Haxhi Gashi, Ikbal Beli, Idriz Balani, Izmir Bahja, Jozita Shkreli, Klement Sina, Kleo Nini, Klodiana Taçi, Kristo Dëfrim Hasa, Lec Shkreli, Anesti Taço, Endri Duraku, LLambrini Dëna, LLazar Taçi, Maksim Bushi, Mhill Berhani, Mihallaq Qarri, Petraq Pecani, Pëllumb Aliaj, Pëllumb Bylyku, Remzi Kuçi, Rikarda Nova, Romeo Kallço, Sotiraq Kuqali, Shpresa Bajko, Ylli Puka, Xhulia Toska dhe Zef Pepa.

Ky edicion i “PranverArt”, i çelur më 14 nëntor, do të qëndrojë i hapur për publikun deri më 30 nëntor dhe do të ekspozojë veprat e 49 artistëve.

VEPRAT DHE AUTORËT E TYRE