Nga Bardha Alimeta

Arben Kurti, piktori nga Librazhdi, që u refuzua tri herë nga mundësia për të fituar shkollën e mesme artistke dhe liceun, sot biznesmen me fakultetin ekonomik, duket që lapsi e ka ndihmuar me shumë se shkolla akademike do t’i jepte, jo për të nënçmuar rolin që shkolla ka, por “artist lind, nuk bëhesh”.

Arbeni nuk hoqi dorë nga ëndrra e tij për t’u bërë piktor dhe pas kaq kohësh pune e sakrifica, ai vjen për qytetin e tij, i cili ja ushqeu muzën me ekspozitën e tij të parë pezazhe nga më të bukura të zonës së Librazhdit, qytet verilindor me bukuri të jashtëzakonshme, jo vetëm për syrin e artistit, po të kujtdo qe e do të bukurën!

Me rreth 50 punime në vaj, nga më të perzgjedhurat nga shumë e shumë vepra të piktorit Arben Kurti, i cili i solli për publikun e Librazhdit dhe më gjërë në këtë ekspozitë me natyrën e bukur plot dritë kthjelltësi ftohtësi ngjyrash, sipas natyrës që artisti ka përzgjedhur në zonat malore të Librazhdit!

Aty shikon pranverën e buzeqeshur të Dardhës, malet e Shebenikut; fushat e begata, lumin më të bukur Shkumbinin; shikon jetën e fshatit të gjallojë me të gjithë elementet e jetës dhe natyrës së bukur të Librazhdit, i cili për shkak pozitës gjeografike ofron kaq shumë frymëzim dhe të josh me bukuritë e tij!

Arbeni me artin e tij ka krijuar një hartë turistike të zonave që duhen me patjetër të vizitohen si vende me natyrën më të bukur!

Peizazhet e piktorit, tashmë i konfirmuar, të joshin t’i shkelësh këto bukuri që vetë artistin e frymëzuan!

Arti i tij u prit mjaft mirë, pasi kish kohë që pikturat e këtij stili realist janë zbehur dhe zevendesuar me stil bashkëkohor, por siç Arbeni shton une nuk mund të pikturoj në mënyre tjetër përveçse duke sjellë realitetin ashtu siç sytë e mi e fokusojnë!

Jam e lumtur për arritjet e tij dhe i uroj sukses në të tjera ekspozita!