Nga Agron Jonuzi
Përmetari Anesti Jançe mund të konsiderohet si “Fotografi zyrtar” i rrethit të Permetit. Me një pasion të jashtëzakonshëm, si rrallëkush në Shqipëri, ai ka prekur çdo rrugicë të qyteteve Përmet dhe Këlcyrë, çdo fshat dhe është i mirëpritur siç e do dhe tradita përmetare në çdo shtëpi ku ka shkelur: me një liko dhe një raki.
Nesti, i cili është emigrant me banim të përkohshëm në Athinë, Greqi, ka realizuar mbi 60 mijë foto dhe disa qindra video nga rrethi i Përmetit.
Herë e shikon në majë të Gurit të Qytetit; herë buzë ujërave të Vjosës dhe herë rrëzë maleve të Nemerçkës dhe Dhembelit.
Ka përshkuar qindrqa kilometra, në çdo fshat, nga Lipa dhe Leusë; nga Frashëri dhe Alipostivani; nga Kutali dhe Kosina; nga Kanikoli dhe Çarçova, nga Suka në Ballaban.
