Anali & Vanessa, dy argjentinase pikturojnë murale në Tiranë!

Nga Dash Frashëri

Anali & Vanessa!

Dyshja e shkëlqyer argjentinase e Medianeras. Dy artiste të mirënjohura të muraleve. Të ftuara nga kuratori Helidon Haliti.

Piktorja Anali Chanquia dhe arkitektja Vanessa Galdeano realizuan një nga muralet më të bukura në Tiranë, si pjesë e edicionit të gjashtë të “MuralFest”, organizuar nga Bashkia e Tiranës (Tirana Dekor), në bashkëpunim me shoqatën artistike “VizArt”.

Një murale gjigante, me një grua që duket si e gjallë në tredimensionalin e saj.

E ndoqa me kënaqësi procesin e realizimit të murales së pikturuar nga dy artistet argjentinas, me banim në Barcelonë (Spanjë).

Këtë edicion murale të bukura kanë realizuar edhe argjentinasi Maximiliano Bagnasco (shkrimtarin e madh Ismail Kadare dhe ikonën e muzikës, Vaçe Zela).

Helidon Haliti me një murale shumë interesante.

Spanollja Marta Lapena me frutat e saj.

Rumunia Alexandra Lincu me libra.

***

Medianeras ka realizuar murale thuajse në shumë vende: SHBA, Kanada, Brazil, Spanjë, Francë, Angli, Itali, Gjermani, Holandë, Austri, Çeki, Luksemburg, Bosnjë, Bolivi dhe së fundi në Shqipëri.