Përurohet në Pogradec mozaiku “Iliria” nga Anastas Kostandini

Mozaiku përfaqëson historinë 2500-vjeçare ilire në Selcën e Poshtme, aty ku janë të vendosur varret e mbretërve ilirë


Piktori i njohur pogradecar Anastas Kostandini ka realizuar në fasadën qendrore të bashkisë së Pogradecit një mozaik të cilin e ka titulluar “Iliria”. Ky mozaik përfaqëson historinë 2500 vjeçare ilire në Selcën e Poshtme, aty ku janë të vendosur varret e mbretërve ilirë dhe ku është gjetur edhe pafta e krijuar tashmë në mozaik.

“Pogradeci është një vend i gjetjeve të mëdha arkeologjike dhe njihet për varret e mbretërve ilir. Pogradeci ka një muze modest ku dominon arkeologjia, është një shenjë treguese e trashëgimisë tonë”, u shpreh Anastas Kostandini, piktor.

Për kryetarin e bashkisë Ilir Xhakolli realizimi i një mozaiku të tillë është një nga veprat që i mungonte qytetit duke i bërë jehonë një prej periudhave më të hershme.

“U munduam të sjellim një pjesë ikone të Pogradecit siç është pafta e Selcës, e gjetur në pjesën e varreve të Selcës me një histori që daton në shek. IV dhe sigurisht që është një simbolik e vyer që ka bashkia e Pogradecit për të treguar historinë në lashtësi që ai ka”, u shpreh Kryetar i Bashkisë Pogradec, Ilir Xhakolli.

Anastas Kostandini bashkë autorë të tjerë ka qenë pjesë e realizimit të mozaikut në Muzeun Kombëtar në kryeqytet, ndërsa ky është mozaiku i parë që ai realizon për qytetin e Pogradecit.

Ardian Fezollari, “Lasgush Pogradeci” i fotografisë!

Fotografi i mirënjohur tregon pengjet dhe pasionet e tij në emisionin "Mes dy botëve" të piktorit Helidon Haliti

Helidon Haliti: Muralet e Tiranës janë projekti im më i mirë!

"Mjeshtri i Madh", piktori Helidon Haliti, intervistë për gazetën letrare "ExLibris"

Sadik Kaceli, peneli i artë!

"Artist i Merituar" , "Artist i Popullit", "Nderi i Kombit". Një piktor që modernizoi shkollën shqiptare të arteve.

Piktura e Guri Madhit në EURO 2024, krahas Pablo Pikasos dhe Salvador Dali

Në Muzeun e Futbollit Gjerman në Dortmund do të ekspozohen 175 vepra arti të 100 autorëve botërorë