Gonxhja: Zef Kolombi, gjeniu i penelave dhe ngjyrave

Ministri i Ekonomisë, Kulturës dhe Inovacionit, Blendi Gonxhja përkujton ditën e lindjes së piktorit, Zef Kolombi


Zef Kolombi ka qenë një nga piktorët e rëndësishëm të artit realist shqiptar të gjysmës së parë të shekullit XX

Ministri i Ekonomisë, Kulturës dhe Inovacionit, Blendi Gonxhja ka përkujtuar sot ditën e lindjes së piktorit, Zef Kolombi, gjeniun e penelave dhe ngjyrave, piktorin e dritës dhe natyrës.

“Pavarësisht se krijimtaria e tij erdhi në një periudhë të vështirë për pikturën në Shqipëri, Zef Kolombi është autor i disa veprave të vlerave të rralla, pjesa më e madhe e të cilave ndodhet në Galerinë Kombëtare të Arteve në Tiranë”, theksoi Gonxhja.

Kolombi lindi në vitin 1907 në Sarajevë, ku edhe do të kalonte foshnjërinë e tij.

Në vitin 1929, nisi studimet në Akademinë e Arteve të Romës. Krahas përmbushjes së detyruar të punimeve akademike, ushtroi mjeshtrinë me realizimin e veprave origjinale, si edhe përmes riprodhimit të veprave të klasikëve. Veprat “Nudo” (1931), “Pamje nga Roma” (1931), “Grua nudo e shtrirë” (1931) , “Grua nudo e ulur” (1931), i përkojnë periudhës së krijimtarisë së tij të shpërfaqur në auditor, teksa përsoste njohuritë rreth gjinisë artistike të pikturës.

Fill pas ardhjes rishtas në Shqipëri, Kolombi realizon tablonë “Portreti i Pinës”, në pritje të emërimit si mësues i vizatimit në Shkollën Normale të Elbasanit. Trashëgimia e tij artistike përbëhet nga rreth 50 vizatime dhe piktura, mes të cilave kanë epërsi natyrat e qeta, peisazhet dhe portretet, siç vërehet në tablotë “Portret plake” (1937), “Të korrurat” (1940), “Tri rriska shalqinj” (1940), “Tufë me trëndafila” (1940) etj.

Në pikturën e Kolombit, mbizotërojnë punimet në vaj, si edhe ngjyra e kuqe, kafe, e gjelbër dhe e bardhë. Në sajë të veprimtarisë së tij kulturore të ngjeshur, Kolombi është vlerësuar me çmimet “Mësues i Merituar”, “Piktor i Merituar” dhe “Piktor i Popullit”.

👨‍🎨🖌️Përkujtojmë sot, gjeniun e penelave dhe ngjyrave, piktorin e dritës dhe natyrës, artistin Zef Kolombi.

🖼️🎨Pavarësisht se krijimtaria e tij erdhi në një periudhë të vështirë për pikturën në Shqipëri, Zef Kolombi është autor i disa veprave të vlerave të rralla, pjesa më e madhe e të cilave ndodhet në 📍Galerinë Kombëtare të Arteve në Tiranë.

🏆🎨Zef Kolombi është vlerësuar me titujt “Mësues i Merituar", "Piktor i Merituar", "Piktor i Popullit".

#MEKI #EkonomiaKulturaInovacioni #ZefKolombi #ArtistëtShqiptarë #TrashëgimiKulturore

Posted by Blendi Gonxhja on Saturday, March 9, 2024

Ekspozitë “In memoriam” për piktorin Nexhmedin Musaj

Në Galerinë e Artit "Eduard Lear" në Berat u hap ekspozita në nderim të piktorit të shquar beratas.

Sadik Kaceli, peneli i artë!

"Artist i Merituar" , "Artist i Popullit", "Nderi i Kombit". Një piktor që modernizoi shkollën shqiptare të arteve.

Sadik Kaceli, peneli i artë!

"Artist i Merituar" , "Artist i Popullit", "Nderi i Kombit". Një piktor që modernizoi shkollën shqiptare të arteve.

Myslimanizmi lirik

imami Abdullah Kolgjini krijoi këtë "lehva" të dashuruarish në xhaminë e Floqit