Nga Bujar Qesja, Mjeshtër i Madh
Kur ndodhesh në mes mjeshtrash
– Shtatë madhështorët e notit kombëtar!
Vazhdojmë të konsumojmë kënaqësi të jashtëzakonshme. Në Sarandë është mbledhur ajka e notit kombëtar. Kanë ardhë nga brenda dhe jashtë vëndit, për t’iu përgjigjur kërkesës së Kryetarit të Shoqatës së Veteranëve të Notit Shqiptar Sadik Mema, për organizimin e kupës ” Idriz Muço”.
Këtu jemi mbledhur në lokalin, ku punojnë fëmijët e notarit të çquar sarandiot Idriz Muço, që ka 6 vite i ndarë nga jeta në moshën 68 vjeçare.
Gjeografia e fotos është e gjërë. Kanë ardhë nga Amerika, Greqia, Italia, Vlora, Tirana dhe Durrësi.
Të gjithë me një qëllim. Të kujtojnë emrin e madh të notit Idriz Muço, të evidentojnë krenarinë e arritjeve të këtij sporti shumë popullor në Shqipëri dhe ti japin vlerat e merituara traditës dhe historisë.
Në këtë të dielë të 10 shtatorit 2023, grupi prej 50 veteranësh do të shkumbëzojë ujrat e Jonit, për të treguar që noti shqiptar është dhe do të mbetet në vlerat të patjetërsuara.
Suksese!
Bujar Qesja
Sarandë: 10 shtator 2023
Në foto, ulur nga e majta: Tomor Dano, Veni Bode, Petrit Guma dhe Sadik Mema.
Në këmbë, nga e majta: Ilir Ymeri, Skardilajt Shyti, Bujar Qesja dhe Edmond Mema.
