Kroçera “Nautica” me 663 turistë mbërriti sot në Portin e Durrësit.
Autoriteti Portual Durrës bën të ditur se “anija turistike është bregëzuar mëngjesin e sotëm në kalatën portuale nr.5 dhe ka sjellë në vendin tonë turistë nga 20 vende të ndryshme të botës si Amerika, Kanadaja, Zelanda e Re, Australia, Gjermania, Belgjika, Holanda, Polonia etj.
Turistët kanë bërë tashmë pjesë të itinerarit të tyre edhe sitet turistike të qytetit bregdetar dhe atyre përreth.
Vetëm dy ditë më parë u rikthye “La Belle de L’Adriatique”, një ndër vizitoret më të shpeshta të Durrësit, që sjell kryesisht turistë elitarë.
