Vendbanimi 8500-vjeçar i Linit, më i vjetri në Evropë

Prej 8500 vjetësh aty ekziston vendbanimi palafit më i vjetër në Evropë.


Një zbulim i rrallë ka dalë në dritë në Buqezë të Pogradecit (pranë Linit). Prej 8500 vjetësh aty ekziston vendbanimi palafit më i vjetër në Evropë.

“Ky zbulim i ri përveç se ka vlerë të padiskutueshme historike dhe arkeologjike, do të jetë një pikë e re referimi për turizmin tonë”, shprehet prefekti i Korçës, Nertil Jole.

Arkeologët e Universitetit të Bernës në bashkëpunim me arkeologët shqiptarë kanë konfirmuar zbulimin e vendbanimit palafit (ndërtim mbi pilota druri ngulur në liqen), që i ka entuziazmuar mjaft.

Gjetjet pas gërmimeve kanë faktuar se ky vendbanim i lashtë, ishte qendra ku 8500 vjet më parë ka qenë zhvilluar bujqësia, zejtaria dhe peshkimi.

Albert Hafner, drejtor i Institutit të Arkeologjisë në Universitetin e Bernës dhe Adrian Anastasi thanë se kemi të bëjmë me një vendbanim shumë më të lashtë se ato të gjetura në pjesën jugore të Italisë e në gjithë Europën.

Madje arkeologët zviceranë pohuan se vendbanimi palafit i Linit është 2 mijë vjet më i vjetër se ato të gjetura në Zvicër.

Lexo më shumë nga

Ekspozitë “In memoriam” për piktorin Nexhmedin Musaj

Në Galerinë e Artit "Eduard Lear" në Berat u hap ekspozita në nderim të piktorit të shquar beratas.

Sadik Kaceli, peneli i artë!

"Artist i Merituar" , "Artist i Popullit", "Nderi i Kombit". Një piktor që modernizoi shkollën shqiptare të arteve.

Sadik Kaceli, peneli i artë!

"Artist i Merituar" , "Artist i Popullit", "Nderi i Kombit". Një piktor që modernizoi shkollën shqiptare të arteve.

Myslimanizmi lirik

imami Abdullah Kolgjini krijoi këtë "lehva" të dashuruarish në xhaminë e Floqit