Këngëtari me famë botërore, Enrique Iglesias ndezi sot atmosferën në koncertin e zhvilluar në sheshin ‘Skënderbej’.
Iglesias këndoi hitet e tij të njohura për të gjithë fansat e tij në Shqipëri. Qytetarët sidomos të rinjtë shijuan muzikën e tij dhe kënduan hitet së bashku me të si “Bailamos”, “Rhythm Divine”, “Turn the night up”, “Heart Attack”, “Duele el Corazon”, “Subeme la Radio” etj.
Tirana sot?
Enrique Iglesias???
Posted by Erion Veliaj on Friday, June 30, 2023
Enrique Iglesias është një nga artistët më të mëdhenj spanjollë, që u bë i njohur në mbarë botën në fillin e viteve ’90 dhe më pas karriera e tij ndërkombëtare u zgjerua në mbarë globin.
Ai është një nga këngëtarët spanjollë me albumet më të shitura në botë. Iglesias numëron më shumë se 70 milionë disqe të shitura. Në vitin 2016 Iglesias është cilësuar nga Billboard si mashkulli më i suksesshëm i të gjitha kohërave në club dance style.
Pak para fillimit të koncertit këngëtari e famshëm spanjoll Enrique Iglesias u prit në takim nga kryebashkiaku erion Veliaj, të cilit i dhuroi Çelësin e Qytetit të Tiranës
Koncerti i Iglesias çeli Javën Spanjolle në Tiranë, gjatë të cilës do të zhvillohen edhe një sërë aktivitetesh të tjera.
