Sot, më 1 tetor, në orën 18:00, në Ish-Vilën Mbretërore të Mbretit Zog I, çelet Edicioni i Dytë i Bienales Ndërkombëtare të Artit Bashkëkohor të Durrësit.

34 pavijone kombëtare dhe 45 artistë nga vende të ndryshme të botës do të sjellin në Durrës interpretime dhe kërkime artistike mbi temën: “Periferia: Tranzicione pamore”.
Përmes veprave të tyre, artistët vendosin në dialog realitetin e periferisë shqiptare me përvojat, problematikat dhe këndvështrimet e vendeve pjesëmarrëse.

Ekspozitat do të shtrihen në 11 institucione shtetërore, muze dhe hapësira të trashëgimisë kulturore, duke e kthyer të gjithë qytetin e Durrësit në një hapësirë të gjallë të artit bashkëkohor.

Një marrëdhënie e drejtpërdrejtë mes veprës së artit, hapësirës publike dhe komunitetit vendas.

Durrësi — qyteti ku arti bashkëkohor takohet me hapësirën, trashëgiminë dhe komunitetin.