Ministri i Ekonomisë, Kulturës dhe Inovacionit, Blendi Gonxhja, ka publikuar foto nga kishat e Voskopojës.

“E njohur për qytetërimin e saj shekullor, peizazhin e mrekullueshëm, kishat dhe afresket e shumta, të cilat mbartin në vetvete një trashëgimi të çmuar kulturore”, shkruan ministri Gonxhja.

POSTIMI I MINISTRIT GONXHJA

Pjesë nga pikturat murale në Kishat eVoskopojës!

E njohur për qytetërimin e saj shekullor, peizazhin e mrekullueshëm, kishat dhe afresket e shumta, të cilat mbartin në vetvete një trashëgimi të çmuar kulturore.

Voskopoja tregoi interes të veçantë për zhvillimin e gjuhës, kulturës dhe artit bizantin të kohës dhe në vite u zhvillua dhe vazhdoi të ruajë zakonet, historinë dhe traditat e krijuara prej kohësh.

Një element dallues është përgatitja e punimeve të dorës bazuar në mjeshtërinë lokale dhe burimet natyrore, veçanërisht për punimin e drurit, thurrjen e veshjeve te leshta e shumë punime të tjera me vlerë.

Pikërisht këto vlera arkitektonike dhe kulturore e bëjnë fshatin e Voskopojës si një ndër destinacionet më interesante për tu vizituar nga turistët vendas dhe të huaj.