Galeria “2 Botë” – një vendtakimi arti!

Galeria “2 Botë” është themeluar nga piktori i njohur dhe pedagou i Universitetit të Arteve, Helidon Haliti


Përurimi i një galerie arti është një ngjarje e rëndësishme artistike.

Dhe këtë e rikonfirmoi edhe çelja në kryeqytet e Galerisë “2 Botë”, e themeluar nga piktori i mirënjohur Helidon Haliti, njëherësh edhe pedagog në Universitetin e Arteve.

Galeria “2 Botë” është një hapësirë e pavarur arti, e krijuar për të promovuar dialogun mes traditës dhe bashkëkohores, mes artistëve të afirmuar dhe brezave të rinj krijues.

“Galeria lindi nga dëshira për të ndërtuar një vend takimi ku arti, mendimi kritik dhe komunikimi njerëzor të bashkëjetojnë në mënyrë organike. Një hapësirë modeste në përmasa, por ambicioze në vizion”, tha Haliti, midis të tjerash në ceremoninë e përurimit, ku të pranishëm ishin artistë nga Shqipëria dhe Kosova, dashamirës të arteve, përfshirë edhe zv.ministrin e Shëndetësisë dhe Mirëqenies Sociale, Olti Muzaka.

Emri “2 Botë” simbolizon takimin e dy realiteteve: botës së brendshme të artistit dhe botës së jashtme të publikut; botës së kujtesës dhe botës së së ardhmes; botës së traditës dhe asaj të eksperimentimit.

Sipas Halitit, “Galeria synon të organizojë ekspozita personale dhe kolektive, prezantime librash, diskutime publike, rezidenca artistike, aktivitete edukative dhe projekte ndërdisiplinore që kontribuojnë në zhvillimin e jetës kulturore shqiptare”.

Galeria çeli ekspozitën e saj të.parë , të titulluar “Avangardet”, me vepra të autorëve të mirënjohur: Skënder Kamberi, Ismail Lulani, Besim Golemi, Arben Golemi, Nehat Beqiri, Ardian Isufi, Agim Zajmi, Mustafa Arapi, Lumturi Blloshmi, Artur Muharremi, Danish Jukniu, Jakup Keraj dhe skulptori Artan Marku.

“2 Botë” është ndërtuar mbi besimin se arti mbetet një nga format më të rëndësishme të komunikimit njerëzor dhe se hapësirat e lira kulturore janë të domosdoshme për një shoqëri demokratike dhe krijuese.

Më shumë se një galeri, “2 Botë” është një strehë për idetë, për dialogun dhe për njerëzit që besojnë se kultura vazhdon të jetë një mënyrë për të kuptuar më mirë veten dhe botën që na rrethon.

Galeria “2 Botë” ndodhet me adresë Rruga “Ramazan Gaxherri” Linzë – Dajt, Tiranë.

 

Lexo më shumë nga

MË SHUMË LAJME

Metafora të pikturuara. Karikatura me humor dhe filozofi

Nga Agim Janina Në Bienalen e Katërt të Karikaturës, të zhvilluar në qytetin e Korçës, karikaturisti Arben Meksi fitoi çmimin…

“NostraTempusi” i Gazmend Lekës, misteri i shndërruar në art!

Nga Nadire Buzo Ekspozitë personale, thotë ftesa. Sapo hyn në sallën komode të Piramidës, sheh shpalosur në një murale të…

Galeria Kombëtare e Arteve drejt transformimit

Galeria Kombëtare e Arteve po i nënshtrohet një procesi transformimi të plotë, me fokus modernizimin e hapësirave dhe krijimin e…

“NostraTempus” – Sepse thelbi fle thellë… në artin e Gazmend Lekës!

Nga Brunilda Çela "Thelbi fle thellë", thoshte i madhi Petro Zheji. Ashtu si në artin e profesorit. Ku piktura nuk…

Taso dhe poezia e kujtesës poradecare!

Nga Ylli Drishti Historian & Kurator Arti Anastas Kostandini - Taso është një nga personalitetet më përfaqësuese të artit bashkëkohor…

“Nuk mund të lahesh dy herë në të njëjtin lumë”

Nga Gazmend Leka “Nuk mund të lahesh dy herë në të njëjtin lumë” Këtë të vërtetë të madhe e ka…

“NOSTRATEMPUS” – Gjuha e shenjave: Një rikthim tek e pathëna!

Nga Ardian Isufi & Ardian Kapo Kuratorët të Ekspozitës Arti mund ta rikthejë si dëshmi atë që historia lë pas…

“Dua më shumë Shqipërinë”

Galeria e Artit në Korçë çeli ekspozitën “Dua më shumë Shqipërinë”, një udhëtim artistik përmes veprave që mbartin në vetvete…

Metafora të pikturuara. Karikatura me humor dhe filozofi

Në Bienalen e Katërt të Karikaturës, karikaturisti Arben Meksi fitoi çmimin e dytë për temën "Engjëll dhe Djall".

“Përherësi”, përjetësia e Naxhi Bakallit në Art!

Një vizatues i jashtëzakonshëm. Një krijues autentik. Një legjendë e gjallë e arteve pamore shqiptare.

Hysen Devolli, “Aristokrati i Skenografisë”

"Piktor i Merituar"! Skenograf i mrekullueshëm! Kostumograf i talentuar! Piktori i kartmonedhave të 1964

Gjimnazistët jetësojnë pikturën e Guri Madhit “Kur nuk shkojnë në stadium”

"Piktura" u realizua nga nxënësit: Doert Laçi, Leart Truka, Erno Mustafa, Darius Derguti, Vasil Sema, Destan Sulku dhe Elis Vika.