“Prestanome”

“Mjeshtri i Madh” Helidon Haliti sjell një ekspozitë unike në Galerinë FAB (12-25 Mars). Kurator: Nodileh Itilah


Nga Gladiola Bilbili

“PRESTANOME” është një ekspozitë e portreteve të “kohës së pakohë”, që vjen në Galerinë FAB si dëshmi e një rrugëtimi të jashtëzakonshëm artistik, një takim mes ngjyrës, mendimit dhe kujtesës, të personaliteteve që kanë shenjuar artin, kulturën dhe jetën publike shqiptare.
Në qendër të saj qëndron një emër që nuk ka reshtur kurrë së dialoguari me botën përmes ngjyrave dhe fjalës – piktori,” Mjeshtri i Madh” Helidon Haliti. Një artist që ka ditur gjithmonë të shohë përtej së dukshmes, të prekë të pathënën dhe ta bëjë të pavdekshme në telajo.

Përmes emisionit të tij në RTSH “Mes dy botëve”, Helidoni ka krijuar një urë mes brezave, mes historisë dhe së tashmes, mes fjalës dhe artit. E veçanta e këtij rrugëtimi ka qenë momenti kur, ndërsa të ftuarit rrëfenin jetën e tyre, ai i portretizonte – duke e kthyer çdo bisedë në një akt të pastër krijimi, ku mendimi dhe dora e piktorit bashkëudhëtonin në heshtje për të gdhendur portrete dhe shpirtra. Këtu nisi dhe ideja e kësaj ekspozite.
Sot, këto portrete janë para nesh, duke na vështruar dhe duke na ftuar në një dialog të ri – jo më përmes fjalës, por përmes dritës së syve, rrudhave të mençurisë dhe ngjyrave që flasin. Këto nuk janë thjesht portrete njerëzish, por gjurmë të pashlyera të një epoke, të një angazhimi, të një ëndrre që vijon të frymojë.

Dhe, siç thotë vetë artisti:
“Ishte shkruar në yje që unë të bekohesha si i zgjedhur për ta përshkruar botën me formën time të të parit. Sepse atë që ndoshta nuk e artikulojmë dot me fjalë, e bëjmë me veprat tona. Dhe sot, teksa kthej kokën pas dhe shoh rrugëtimin tim, shoh edhe njerëzit që më kanë shoqëruar, ata që me pasion, guxim dhe përkushtim kanë lënë gjurmën e tyre në këtë vend që ne e quajmë Shqipëri.”

Kjo ekspozitë është një falënderim për të gjithë ata që kanë dhënë dritë në këtë rrugëtim, por mbi të gjitha, është një testament i një vëmendjeje të pareshtur ndaj botës përreth.Të dashur miq, ju ftoj të ndaleni, të sodisni, të ndjeni udhëtimin tonë të përbashkët “Mes dy botëve” dhe përtej… në “Prestanome”, ekspozitën ku arti dhe jeta ndërthuren në një përqafim të përjetshëm!

PRESTANOME – HELIDON HALITI
12- 25 Mars 2025
Kurator: Nodileh Itiliah
GALERIA FAB/ UART

Lexo më shumë nga

MË SHUMË LAJME

Grafika, si gjuhë e kujtesës dhe dialogut!

Nga PhD (c) Eris Tare Kurator i Bienales Ndërkombëtare të Grafikës dhe Vizatimit, Tiranë – Edicioni i Dytë, 2026 Në…

Në muzeun e Monarkisë të Artan Lames

Nga Fatmir Toçi Sot pata kënaqësinë të vizitoj ekspozitën - muzè kushtuar periudhës së Monarkisë në Shqipëri, një hapësirë e…

Metafora të pikturuara. Karikatura me humor dhe filozofi

Nga Agim Janina Në Bienalen e Katërt të Karikaturës, të zhvilluar në qytetin e Korçës, karikaturisti Arben Meksi fitoi çmimin…

“NostraTempusi” i Gazmend Lekës, misteri i shndërruar në art!

Nga Nadire Buzo Ekspozitë personale, thotë ftesa. Sapo hyn në sallën komode të Piramidës, sheh shpalosur në një murale të…

Galeria Kombëtare e Arteve drejt transformimit

Galeria Kombëtare e Arteve po i nënshtrohet një procesi transformimi të plotë, me fokus modernizimin e hapësirave dhe krijimin e…

“NostraTempus” – Sepse thelbi fle thellë… në artin e Gazmend Lekës!

Nga Brunilda Çela "Thelbi fle thellë", thoshte i madhi Petro Zheji. Ashtu si në artin e profesorit. Ku piktura nuk…

Taso dhe poezia e kujtesës poradecare!

Nga Ylli Drishti Historian & Kurator Arti Anastas Kostandini - Taso është një nga personalitetet më përfaqësuese të artit bashkëkohor…

“Nuk mund të lahesh dy herë në të njëjtin lumë”

Nga Gazmend Leka “Nuk mund të lahesh dy herë në të njëjtin lumë” Këtë të vërtetë të madhe e ka…

Grafika, si gjuhë e kujtesës dhe dialogut!

Tradita, identiteti dhe perspektivat bashkëkohore në Edicionin e Dytë të Bienales Ndërkombëtare të Grafikës dhe Vizatimit - Tiranë, 2026

“Përherësi”, përjetësia e Naxhi Bakallit në Art!

Një vizatues i jashtëzakonshëm. Një krijues autentik. Një legjendë e gjallë e arteve pamore shqiptare.

Hysen Devolli, “Aristokrati i Skenografisë”

"Piktor i Merituar"! Skenograf i mrekullueshëm! Kostumograf i talentuar! Piktori i kartmonedhave të 1964

Gjimnazistët jetësojnë pikturën e Guri Madhit “Kur nuk shkojnë në stadium”

"Piktura" u realizua nga nxënësit: Doert Laçi, Leart Truka, Erno Mustafa, Darius Derguti, Vasil Sema, Destan Sulku dhe Elis Vika.