Ikona e Pagëzimit nga Joan Çetiri, në ikonostasin e Muzeut Ikonografik “Onufri”
Ikona e Pagëzimit, që paraqet një ndër skenat më të njohura biblike, është realizuar rreth viteve 1812-1814 nga Joan Çetiri.
Në Ditën e Ujit të Bekuar, që festohet me madhështi në qytetin e Beratit prej shekujsh, Qendra Kombëtare e Muzeumeve Berat paraqiti në rrjetet sociale ikonën e Pagëzimit.
Ikona e Pagëzimit, që paraqet një ndër skenat më të njohura biblike, është realizuar rreth viteve 1812-1814 nga Joan Çetiri. Ajo është pjesë e ikonave të vogla (festive) në ikonostasin e Katedrales Fjetja e Shën Mërisë, sot Muzeu Ikonografik “Onufri”.
Ikona paraqet pagëzimin e Jezu Krishtit nga dora e Johan Pagëzorit mbi lumin Jordan.
Në qendër kemi të kompozuar Krishtin në këmbë brenda në lumin Jordan, i vendosur mbi një panel të kuq që shtyp një përbindësh, simbol i dominimit mbi të keqen.
Në të majtë qëndron Pagëzori me veshjen e tij identifikuese dhe në të djathtë dy engjëj, që përforcojnë idenë e pranisë hyjnore.
Në pjesën e sipërme të ikonës dominon peizazhi dhe rrezatimi i Shpirtit të Shenjtë mbi Krishtin. Skena ka një atmosferë dhe kompozim surrealist dhe modern.
MË SHUMË LAJME
Hyr në studion e një piktori. Hyr në shpirtin e tij!
Nga Helidon Haliti HYR NË STUDION E NJË PIKTORI. HYR NË SHPIRTIN E TIJ. Ju ftoj në studion time, jo…
SALI SHIJAKU – “Diego Rivera” i artit shqiptar
Nga Saimir Kadiu Historia e artit shqiptar ka lindur emra të shquar, por vetëm pak prej tyre arritën ta shndërrojnë…
Ekspozita “Fustanella” sjell në Berat simbolin e identitetit shqiptar
Mes artit dhe traditës, ekspozita “Fustanella”, e hapur në Muzeun Etnografik të Beratit, solli për publikun një nga simbolet më…
Pronat e konfiskuara kthehen në hapësira arti e punësimi, hapet ekspozita “Thurja e Qilimave”
Një ekspozitë me punime artizanale të prodhuara nga gra të angazhuara në sipërmarrjen sociale “Tradita ime Artizanale” është hapur në…
