Nga Dash Frashëri

Në kuadër të 101-vjetorit të Ditës së Republikës së Turqisë u zhvillua në Qendrën për Hapje dhe Dialog (COD) sfilata e modës “Udhëtim në Perëndorinë Otomane” (Ottoman Empire Collection) e stilistes së mirënjohur shqiptare, Mirela Nurçe, si një ekspozitë lëvizëse në formën e “fashion show”.

Ambasadori i Turqisë në Shqipëri, Tayyar Kagan Atay, i pranishëm në këtë show përgëzoi stilisten e njohur, Mirela Nurçe.

***

Sfilatën e hapi drejtoresha artistike e COD, gazetarja Jetona Koçibelli.

“Frymëzimin për këto veshje, Mirela i ka marrë kur ka vizituar për herë të parë Stambollin në fillim të viteve 1990 dhe ka mbetur e magjepsur”, tha drejtorja Koçibelli.

Gjithashtu fotografi me famë ndërkombëtare, Fadil Berisha, në fjalën e tij, vlerësoi stilimet e veshjes nga ana e Mirela Nurçes.

“Mirela është një artiste e vërtetë. Është një talent shumë i madh. Ajo po sjell sot disa nga punimet më të bukura të saj”, tha fotografi Berisha, i cili falenderoi edhe ambasasdorin turk, Atay, për praninë e tij.

***

Veshjet e stiluara nga stilistja Nurçe, pasqyrojnë historinë dhe trashëgiminë e vlerave kulturore otomane, të sjell me hijeshi në pasarelë nga 25 modelet e “Grace Models Albania Company”, duke ofruar një “fashion show” special, që u duatrokit fort nga të pranishmit.