Besim Çaushi, skulptori i famshëm në Greqi

Beso përfaqësoi Shqipërinë në Bienalen e Pekinit (Kinë) me veprën “Zeusi dhe Evropa” (bronz)


Skulptori përmetar, Besim Çaushi – prindërit e tij janë nga Leskaj i Malëshovës, babai i tij është Pëllumb  Çaushi  – është një ndër më të njohurit në Greqi dhe Qipro.

I lindur në 21 dhjetor të 1961 në Gjirokastër, skulptori Besim Çaushi, mbaroi në 1980 Liceun artistik ”Jordan Misja”, Tiranë dega skulpturë, specialiteti gdhendje guri dhe më pas falë talentit të tij më 1985 u diplomua në Institutin e Lartë të Arteve (sot Universiteti i Arteve), në degën e skulpturës, specialiteti qeramikë.

Pas përfundimit të studimeve të larta, Besimi u kthye në vendlindjen e tij ku punoi deri në vitin 1991 si profesor skulpture dhe vizatimi në shkollën e mesme artistike “Siri Shapllo”. Gjatë këtyre viteve ai mori pjesë në të gjitha ekspozitat kombëtare dhe lokale. Vepra të ndryshme skulpturale janë të vendosura në disa institucione, muzeume, shkolla e parqe të Gjirokastrës.

Në vitin 1991 udhëtoi drejt vendit të artit antik vend që i dha një dimension tjetër si jetës personale ashtu edhe asaj profesionale. Krijimtaria e tij artistike u zhvendos tashmë midis Greqisë edhe Qipros. Ajo përfshin disa degë e zhanre, që nga skulptura dekorative e funksionale, miniaturë dhe deri të disa skulptura parku e monumente (në bronz dhe të gdhendura në gur). Shumë nga këto vepra janë vendosur në parqet e qytetit të Athinës dhe të Patrës.

Besimi ka marrë pjesë në disa ekspozita skulpture të cilat organizohen në Greqi. Falë profesionalizmit të tij si artist dhe dinjitetit njerëzor që e karakterizon, Besimi në vitin 2005 u bë anëtar i Organizatës së Arteve Pamore të Greqisë. Gjithashtui ai ka marrë pjesë në disa simpoziume skulpture në Greqi dhe Qipro.

Një nga veprat e njohura dhe më të suksesshme të tij janë monumenti “Rrëmbimi i Evropës” (bronz) i vendosur në një park të Athinës në Greqi, si dhe vepra tjetër “Paqe në Tokë” (bronz) vendosur në portin e qytetit Shën Napa në Qipro. Kjo e fundit është një vepër tepër simbolike pasi sic ka thënë edhe Nënë Tereza “paqja është detyrë e të gjithëve dhe nëse duam paqe në këtë jetë duhet të flasim për paqe, t’i thurrim lavde..”.

Edhe pse veprimtaria e tij është fokusuar në Greqi dhe në Qipro, Besimi nuk ka se si të mos ishte pjesë e përfaqësimit shqiptar në arenën ndërkombëtare. Kështu në vitin 2015 ai perfaqësoi Shqipërinë në Bienalen e Pekinit (Kinë) me veprën “Zeusi dhe Evropa” (bronz).

 

Aktualisht, Besimi po punon në Lefkosia të Qipros për një kompleks skulpturash interieri dhe eksterieri në bronz.

(Marre nga faqja ne Facebook e Ambasades Shqiptare ne Greqi)

 

Ekspozitë “In memoriam” për piktorin Nexhmedin Musaj

Në Galerinë e Artit "Eduard Lear" në Berat u hap ekspozita në nderim të piktorit të shquar beratas.

Sadik Kaceli, peneli i artë!

"Artist i Merituar" , "Artist i Popullit", "Nderi i Kombit". Një piktor që modernizoi shkollën shqiptare të arteve.

Sadik Kaceli, peneli i artë!

"Artist i Merituar" , "Artist i Popullit", "Nderi i Kombit". Një piktor që modernizoi shkollën shqiptare të arteve.

Myslimanizmi lirik

imami Abdullah Kolgjini krijoi këtë "lehva" të dashuruarish në xhaminë e Floqit