“Pema e jetës” e Marjana Goxhabelliut

Trungu monumental, si këmbanorja e katedraleve, mban tinguj të shumtë vetrazhesh dhe në krye një palë brirë që hapen si krahë me majat e tyre tregues të mollëve.

Nga Kujtim Abdi

Marjana Goxhabelliu – Pema e jetës.

E mbjellur mbi truallin e blertë të Hesperideve, apo të Edenit, kjo pemë rritet e shëndetshme në formën e kryqit.

Trungu monumental, si këmbanorja e katedraleve, mban tinguj të shumtë vetrazhesh dhe në krye një palë brirë që hapen si krahë me majat e tyre tregues të mollëve.

E gjithë linja e brirëve të kujton gjarpërin, mësimdhënësin e kafshimit, sytë e zinj Satanain, mes ngjyrave më të bukura të jetës. Në sensin invers simbolizon dashin, ngadhënjyesin e jetës, sëbashku me ngjyrën dominuese, të blertën.
Ndërtimi i thjeshtë kompozicional mbahet nga zotësia koloristike, drita nënreflektuese me qetësi mistike dhe formacioni mozaikor i trungut. Me të gjitha elementët artistikë që përmban kjo pikturë është një lulëzim i frutshëm emocional, një evokacion filozofik i kujtesës të jetës njerëzore me pastërtinë e frutshme të riprodhimit, me misterin shpirtëror rigjenerik të gjetheve e të frutave, aq sa është e pamundur që në shikim të parë kjo pikturë mos të të tërheqë e të të mos godasë në shije. Krijimi kurajoz, i patrembur në mbështetjen simbolike, shkallëzimi emocional dhe me dashuri i ngjyrave, kërkimi i tyre pa ndrojtje e turp, por me ambicje profesionale, pa pengesa formaliste, me atë fill sinqeriteti që tërhiqet nga brenda shpirtit, krijon imazhin teologjik të shpjeguar thjesht me shenja piktorike. Ekzistenca e ritmeve të natyrës gërshetohet me mendimin dhe interpretimin artistik. Ritmet gjestuale të penelit, të vëna shpesh me vendosmëri profesionale, përkojnë në rezonancë me natyrën e artistes, me atë formë e poezi delikate të penelit, që të befason e të magjeps. Ndërtimi esencial i qetësisë me vëmendjen e duhur figurative, harmonizimi dekorativ, intuita e ngjyrës për të bashkuar natyrën me mendimin, e bëjnë kompleksitetin kompozicional një ikonë moderne dhe me frymë puriste. Petëzat e arta me vibrimet e tyre paraqesin dendësinë plastike në raport frekuent me thyesën figurative. Intimiteti plastik me jehonë të thellë, si rikumbim i koshiencës, me organizmin e vet emocional të ideve, arrin kufijtë e ëndrrës. Zotësia e veçantë e krijimit të efekteve transparente, përfton velatura delikate, që shkrijnë nuancat duke zhdukur kufijtë e tyre bashkues e në të njëjtën kohë pasuron tonalitetin esencial të bojrave, duke krijuar një lojë bashkuese e ndarëse të tyre.

E gjithë vepra mbetet një fllad poetik, një himn hyjnizues i dashurisë për jetën.

MË SHUMË LAJME

Metafora të pikturuara. Karikatura me humor dhe filozofi

Nga Agim Janina Në Bienalen e Katërt të Karikaturës, të zhvilluar në qytetin e Korçës, karikaturisti Arben Meksi fitoi çmimin…

“NostraTempusi” i Gazmend Lekës, misteri i shndërruar në art!

Nga Nadire Buzo Ekspozitë personale, thotë ftesa. Sapo hyn në sallën komode të Piramidës, sheh shpalosur në një murale të…

Galeria Kombëtare e Arteve drejt transformimit

Galeria Kombëtare e Arteve po i nënshtrohet një procesi transformimi të plotë, me fokus modernizimin e hapësirave dhe krijimin e…

“NostraTempus” – Sepse thelbi fle thellë… në artin e Gazmend Lekës!

Nga Brunilda Çela "Thelbi fle thellë", thoshte i madhi Petro Zheji. Ashtu si në artin e profesorit. Ku piktura nuk…

Taso dhe poezia e kujtesës poradecare!

Nga Ylli Drishti Historian & Kurator Arti Anastas Kostandini - Taso është një nga personalitetet më përfaqësuese të artit bashkëkohor…

“Nuk mund të lahesh dy herë në të njëjtin lumë”

Nga Gazmend Leka “Nuk mund të lahesh dy herë në të njëjtin lumë” Këtë të vërtetë të madhe e ka…

“NOSTRATEMPUS” – Gjuha e shenjave: Një rikthim tek e pathëna!

Nga Ardian Isufi & Ardian Kapo Kuratorët të Ekspozitës Arti mund ta rikthejë si dëshmi atë që historia lë pas…

“Dua më shumë Shqipërinë”

Galeria e Artit në Korçë çeli ekspozitën “Dua më shumë Shqipërinë”, një udhëtim artistik përmes veprave që mbartin në vetvete…

Metafora të pikturuara. Karikatura me humor dhe filozofi

Në Bienalen e Katërt të Karikaturës, karikaturisti Arben Meksi fitoi çmimin e dytë për temën "Engjëll dhe Djall".

“Përherësi”, përjetësia e Naxhi Bakallit në Art!

Një vizatues i jashtëzakonshëm. Një krijues autentik. Një legjendë e gjallë e arteve pamore shqiptare.

Hysen Devolli, “Aristokrati i Skenografisë”

"Piktor i Merituar"! Skenograf i mrekullueshëm! Kostumograf i talentuar! Piktori i kartmonedhave të 1964

Gjimnazistët jetësojnë pikturën e Guri Madhit “Kur nuk shkojnë në stadium”

"Piktura" u realizua nga nxënësit: Doert Laçi, Leart Truka, Erno Mustafa, Darius Derguti, Vasil Sema, Destan Sulku dhe Elis Vika.