Nga Hajrush Fazliu

Në Galerinë e Artit në Prishtinë, publikut iu prezantua opusi krijues i artistit të mirënjohur Abaz Hado nga Tirana, përmes ekspozitës së tij personale, të kuruar nga Kamuran Goranci, piktor.

Në pikturën e Hados, peizazhi nuk është vetëm përshkrim i natyrës, por një hapësirë ku ndërthuren kujtesa, imagjinata dhe fantazia,duke shndërruar në shenja të një bote të brendshme, ku realiteti natyror merr përmasa poetike dhe simbolike.

Abaz Hado e rikrijon natyrën, nuk e kopjon atë. Peizazhi i tij bëhet kujtesë, emocion dhe metaforë e jetës. Përmes ngjyrës dhe ritmit, ai na fton të hyjmë në një natyrë të përjetuar shpirtërisht – një botë ku ruhen gjurmët e kujtesës, ndërsa imagjinata i jep asaj një jetë të re.

Një ekspozitë që sjell në Prishtinë jo vetëm krijimtarinë e një artisti të afirmuar, por edhe një dialog të bukur kulturor e artistik ndërmjet Tiranës dhe Prishtinës.

Te lumtë Maestro Hado dhe suksese ne krijimtarin tende ne vazhdimësi!