Çdo vit, më 25 tetor, shënohet Dita Ndërkombëtare e Artistëve, një ditë kushtuar krijimtarisë, imagjinatës dhe talentit të artistëve në mbarë botën.

Nga piktura dhe skulptura te fotografia, muzika, letërsia dhe artet e tjera, krijimtaria artistike pasuron jetën, sfidon këndvështrimet dhe nxit reflektimin mbi botën që na rrethon.

Përmes veprave të tyre, artistët ruajnë kujtesën dhe trashëgiminë kulturore, shprehin emocionet dhe idetë e kohës, si dhe krijojnë ura komunikimi mes kulturave dhe brezave.

Në këtë ditë, vëmendja shkon te të gjithë ata që, përmes talentit dhe përkushtimit, e bëjnë botën më të pasur, më të ndjeshme dhe më frymëzuese.

Arti nuk është vetëm një formë shprehjeje, por edhe një mënyrë për të parë, kuptuar dhe ndryshuar botën.

Burimi ATSH