Nga Odise Kote

Bashkim Ahmeti, ky magjistar i ngjyrës, dritës, shtresëzimeve ndërkuptimore dhe imagjinatës.

Piktori mbase më i madh në gjallje, Bashkim Ahmeti, m’u në sallën princërore, poshtë kullës së sahatit, në kështjellë, solli në vendlindjen Gjirokastër, prej SHBA ku jeton, ekspozitën: “Male, Re dhe Plisa të bardhë”.

Kêsaj here me tablot masive, të gjitha funksion i kodeve estetike, Ahmeti solli krejt raportin e spektrit tē ngjyrës me njeriun, dritën, ndryshueshmërinë, malet, retë, struktura të reja kuptimore ndërthurur habitshëm, me erën, diellin, metaforat, vizionet që lindin, shumohen e zëvendësohen shpejt nga të tjerat.

Kuratori tha se Gjirokastra është në studion e tij në SHBA, ndërkohë që distanca e nostalgjia bëhen imagjinatë shpërthyese.

Të zbërthesh gjithë kodet estetike të pikturave të tij, thellësitë ku fshihen, vizionet e mesazhet, do kohë, ndaj më mirë ejani në Gjirokastër e vizitojeni vetë.

Faleminderit mik i dashur Bashkim Ahmeti!