“Plein Air 11” – Peizazhe, dritë dhe ngjyra
15 piktorë ekspozitë në Galerinë e Arteve në Shkodër
Galeria e Arteve Shkodër çeli kalendarin artistik për vitin 2026 me ekspozitën “Plein Air 11”, duke sjellë për publikun një përzgjedhje veprash të realizuara në natyrë nga 15 piktorë të njohur vendas.
Ekspozita vjen si një dëshmi e lidhjes së drejtpërdrejtë të artistit me ambientin natyror.
Artisti Pashk Përvathi thekson se gjinia e peizazhit mbetet një nga shtyllat më përfaqësuese të artit pamor shqiptar.
“Mund të them që sot Shqipëria ka peizazhistë të klasit të lartë, të cilët kanë ardhur nga kjo përvojë shumëvjeçare duke pikturuar në natyrë”, tha Përvathi.
Piktori Skënder Strica u ndal te domosdoshmëria që Shkodra të ketë ambiente dinjitoze, të denja për të ekspozuar dhe nderuar veprat e piktorëve të shquar, të cilët kanë lënë gjurmë të rëndësishme në historinë e artit ndër vite.
“Plein Air 11” sjell në një hapësirë të vetme peizazhe, dritë dhe ngjyra, duke shënuar një nisje domethënëse të vitit artistik 2026 në kryeqendrën e veriut.
Burimi RTSH/ Gazetar: M.Gjini
MË SHUMË LAJME
Hyr në studion e një piktori. Hyr në shpirtin e tij!
Nga Helidon Haliti HYR NË STUDION E NJË PIKTORI. HYR NË SHPIRTIN E TIJ. Ju ftoj në studion time, jo…
SALI SHIJAKU – “Diego Rivera” i artit shqiptar
Nga Saimir Kadiu Historia e artit shqiptar ka lindur emra të shquar, por vetëm pak prej tyre arritën ta shndërrojnë…
Ekspozita “Fustanella” sjell në Berat simbolin e identitetit shqiptar
Mes artit dhe traditës, ekspozita “Fustanella”, e hapur në Muzeun Etnografik të Beratit, solli për publikun një nga simbolet më…
Pronat e konfiskuara kthehen në hapësira arti e punësimi, hapet ekspozita “Thurja e Qilimave”
Një ekspozitë me punime artizanale të prodhuara nga gra të angazhuara në sipërmarrjen sociale “Tradita ime Artizanale” është hapur në…
