Skulptori i mirënjohur, Qazim Arifi, vazhdon të përfaqësohet me sukses në ekspozitat ndërkombëtare të nivelit të lartë, duke marrë edhe vlerësime maksimale për punët cilësore të paraqitura prej tij.

Së fundi, ai ka marrë çmime vlerësimi nga “Fondazione Effeto Arte”, për ekspozitat e projektit “Art International Tour”, të hapura në Dubai dhe Firence.

Vlerësimet e kritikëve janë maksimale për veprat e Arifit, të konsideruara “qartësisht midis klasikes dhe modernes”.

Qazim Arifi konsiderohet si “poeti i skulpturës”, nga kritiku me famë ndërkombëtare Vittorio Sgarbi.

Veprat e tij janë publikuar rregullisht në dhjetëra katalogë dhe albume të rëndësishme kushtuar artit.